یار آغلادی من آغلادیم
یارین بویون قوجاخلادیم یار آغلادی من آغلادیم
ییغیشدی قونشولار بوتون جار آغلادی من آغلادیم
باشیندا قارلی داغلارا دانشدیم آیرلیق سوزون
بیر آه چئکیب باشینداکی قار آغلادی من آغلادیم
طاریمدا نار آغاجلاری منی گوروب دانیشدیلار
بویوموا زیتون اوخشادی نار آغلادی من آغلادیم
ایله که اسدی بیر خزان تالاندی گوللیریم منیم
خبر چاتینجا بولبوله خار آغلادی من آغلادیم
اوره ک سوزون دئدیم تارا سیملر اولدی پارا پارا
یاواش-یاواش سیزیلدادی تار آغلادی من آغلادیم
دئدیم کی حق منیم کی دیر باشیمی چئکدیلر دارا
طنف سیخاندا یوینومو دار آغلادی من آغلادیم
جعفری یم بویوم بالا غم اورکده قالا قالا
یار جانمی آلا-آلا یار آغلادی من آغلادیم